నాయకుడిగా ఎదగాలంటే
నాణేనికి ఇరు వైపులా
చూడాలోయ్.....
రోగి ముఖంలో ఆశలను,
అనాథలలో స్థైర్యాన్ని
పల్లకి ఎక్కించేది - పలకరింపు....
మార్గదర్శివి కావాలంటే
మాటలు, చేతలు
ఒకటిగ చేసెయ్.....
అబద్ధాలు, అనర్థాలు,
అపోహలు, అవాస్తవాలు
మానవ సృజనాత్మక ఉత్పత్తులు.....
బాధ్యత, విధేయత
ఆత్మీయత, ఆచరణ
వ్యక్తిత్వానికి మూలస్తంభాలు....
అధోగతి పాలవడం ఎందుకు ?
చేసిన తప్పు ఒప్పుకు తీరు
అంతరాత్మ సాక్షిగా....
సహనం, సహకారం
నిర్మలత్వం, నిస్వార్థముల
మేలు కలయిక స్నేహం....
