Tricks and Tips

Monday, September 21, 2015

అమ్మ _/\_

 
నన్ను పసివాడిలా భావిస్తూ
చిరునవ్వుతో నా చేతిలో కనుమూసిన
నా తల్లి చితికి నిప్పంటించా....

ఆ చితిమంటల వెలుగులో
చూడసాగాను నా అజ్ఞానాంధకారాన్ని.....

అమ్మ విలువ తెలియని
అవివేకిని నేను ,
అన్నీ నాకు తెలుసనుకునే
అజ్ఞానిని నేను ...

కనిపెంచిన తల్లికి
కన్నీరును కానుకిచ్చా ,
కష్టాలు నాదరికి చేరనివ్వని నా తల్లిని
కష్టాలకంకితమిచ్చా...

వేలు పట్టి నడిపించిన తల్లికి
వేలు చూపే వాడినయ్యా ,
నను వేడుకగా భావించిన తల్లికి
తీరని వేదనయ్యా....

గోరుముద్దలతో నా కడుపునింపిన తల్లికి
పిడికెడన్నం కరువు చేసా ,
జోలపాడి నను నిదురపుచ్చిన తల్లికి
కంటి మీద కునుకు లేకుండా చేసేసా....

నాకు జ్వరమొస్తే నిదురకాచి బెదరిపోయే తల్లికి
కృంగికృశించిపోయేటంత బాధనిచ్చా ,
నా రాకకై ఆతృతగ ఎదురుచూసే తల్లికి
ఎదురుపడడమే మానివేసా ...

వీపుపై జోలె కట్టినన్నాడించిన నా తల్లి
ఉనికే నాకు భారమయ్యే ,
నా ఆలనా పాలనలో తనను మరచిన నా తల్లిని 
నేడు నేను మరచిపోయా....

ఊడిగాలు చేసి నన్నింతవాడిగ నిలబెట్టిన నా తల్లికి
నిలువ నీడను కరువు చేసా ,
అలుపు మరచి నాతో వేలవేల ఊసులాడిన నా తల్లిని
అమ్మా ! అని పిలవడమే మానివేసా....

అయినా

నన్ను పసివాడిలా భావిస్తూ ,
చిరునవ్వుతో నా చేతిలో కనుమూసిన
నా తల్లి చితికి నిప్పంటించా....

ఆ చితిమంటల వెలుగులు పారద్రోలాయి
నా అజ్ఞానాంధకారాన్ని...
సుడులు తిరిగి జాలువారిన కన్నీటిధారలతో
వెనుతిరిగి చూసాను ...
అమ్మ పిడికెడంత బూడిదయ్యి
పేలవంగా పడి ఉంది ...

అంతే !

ఒక్కసారిగా దిక్కులు పిక్కటిల్లేలా
అమ్మా ! అని పిలి(అరి)చాను...

ఆ పిలుపు కోసమే ఇన్నాళ్ళుగా ఎదురు చూసిన అమ్మ
తేలికైన మనసుతో ౠణం తీరిపోయిందనుకుంటూ
గాలిలో కలిసి ఉవ్వెత్తుగ లేచి
నింగికెగిరి పోయింది........

*******

4 comments:

  1. నేటి సమాజపు పోకడను చక్కగా కళ్ళకు కట్టారు.
    చదువుతుంటే గుండె బరువెక్కి పోయింది.

    -----------------------------------

    మేడం గారు...
    హృదయ పూర్వక
    నూతన సంవత్సర శుభాకాంక్షలు ...
    మీకూ - మీ కుటుంబానికి ...

    ReplyDelete
  2. నేటి సమాజపు పోకడను చక్కగా కళ్ళకు కట్టారు.
    చదువుతుంటే గుండె బరువెక్కి పోయింది.

    -----------------------------------

    మేడం గారు...
    హృదయ పూర్వక
    నూతన సంవత్సర శుభాకాంక్షలు ...
    మీకూ - మీ కుటుంబానికి ...

    ReplyDelete
  3. awesome blog
    hi
    We started our new youtube channel : Garam chai . Please subscribe and support
    https://www.youtube.com/garamchai

    ReplyDelete
  4. what a crazy blogs i'm following your blogs please give some suggestions please subscribe and support me
    my youtube channel garam chai:www.youtube.com/garamchai

    ReplyDelete