Tricks and Tips

Tuesday, December 31, 2013

" నూతన సంవత్సర శుభాకాంక్షలు . "


ఈ 2014 లో అందరూ సుఖసంతోషాలతో , ఆయురారోగ్యాలతో , అష్టైస్వర్యాలతో ,మానసిక ప్రశాంతతలతో , సకల సౌభాగ్యాలతో కళకళలాడుతూ ఆనందమయ జీవితంతో విలసిల్లాలని కోరుకుంటూ .... ప్రతి ఒక్కరూ తమకు అందుబాటులో ఉన్నంతవరకూ ....అవసరంలో ఉన్నవారికి తమవంతు కర్తవ్యంగా సాధ్యమైనంత చేయూతనివ్వడానికి ప్రయత్నించాలని ఆశిస్తూ      "    నూతన సంవత్సర శుభాకాంక్షలు . " 



***********

నాగరికత మాటున నక్కలా.........

వాస్తవాలు తలుపు చాటుగా 
కొంగు కప్పుకొని నిలుచుంటే ,
అవాస్తవాలు వగలుపోతూ
 వాకిలి వెలుపలకొచ్చాయి .
ఆచారాలు పెరటిలో అణగిపోతూంటే ,
అనాచారాలు పెచ్చరిల్లుతూ 
వీధిలో విలయతాండవం చేస్తున్నాయి .
అత్యాచారాలు విజృంభించి ,
ఆక్రందనలు మిన్నంటించి ,
సున్నిత భావాలను మొగ్గలోనే  చిదిమేసి ,
శారీరక ,మానసిక హింసల పాల్జేసి ,
జీవించాలనే ఆశతో ప్రాకులాడినా .....
మరణశయ్యే శరణమయితే ?
ఆ ఆడపిల్లల తల్లిదండ్రుల
హృదయఘోషకు కారణమైన .........

ఆడవాసన వస్తే చాలు ,
వయసుతో పనిలేదు  ,
6 నెలల నుండీ నడుము ఒంగిన వారి వరకూ .....
వావివరుసలూ ........ తాళిబొట్టు  ...అయితే  ఏంటీ ?
విలువల్ని పాడెకెత్తి వల్లకాడు పంపించిన ..........

రోడ్డు , షాపు , సినిమాహాలు
ఇల్లు ,ఆఫీసు ,దేవాలయము
బస్సు ,రైలూ ,ఏ.టి.ఎం సెంటర్ ......
ప్రాంతమేదైనా అత్యాచారానికి అనువేనంటూ
జటలు విప్పి నడివీధుల్లో నర్తిస్తున్న కామాంధులు ...... 

 ఒక్కడిని చూడండి ...ఎలా ఉన్నాడో ........!

ట్రిమ్మ్ గా షేవ్ చేసుకుని
స్టైల్ గా క్రాఫ్ దువ్వుకుని
నీట్ గా టక్ చేసుకుని
పెర్ఫ్యూం వేసుకుని  
చెరగని చిరునవ్వు పులుముకుని
 


2014 శుభాకాంక్షలు చెప్పే సాకుతో
 నాగరికత మాటున నక్కలా ఉండి
ఏ ఇంటను అడుగు పెడతాడో ........!

ఆడపిల్లలూ  ! జాగ్రత్త
ఆత్మస్తైర్యంతో ఉండండి
తల్లిదండ్రుల్ని మించి మీ బాగు
కోరే వారు లేరని తెలుసుకోండి
మీ విలువైన జీవితాన్ని
వెలుగుతో నింపుకోండి . 
 
అత్యాచారాలకు బలైపోయిన ఆడపిల్లలందరికీ నా  నివాళులు . 

******************

Sunday, December 29, 2013

చందమామయ్యా ... నా దరికిరావయ్యా !



నిండు పున్నమి రేయిలో , నీవు చెంతను చేరగా 
వెండి వెన్నెల సాక్షిగా , వలపులన్నీ పండగా
వేల తారల కాంతులే  , వేదమంత్రం చదవగా 
వేయి కనులు కావలెలే , వేడుకంత చూడగా 

అందమైన పందిరేసి , అడుగడుగున పూలువేసి 
ఆశలన్ని ఏరి గుచ్చి , అందమైన మాలచేసి 
నీ కంఠసీమ నందుంచనా  చందమామయ్యా
చందమామయ్యా ...... చందమామయ్యా 

వెన్నెలంత పోగుచేసి  , వేగిరమే పానుపేసి
తారలన్ని దూసి దూసి , మాలలల్లి మనసు దోచి 
చల్లగాలితో కబురంపన   చందమామయ్యా 
చందమామయ్యా..... ... చందమామయ్యా 

అంతులేని రంగులన్ని రంగరించిన ఆకశాన
అందమైన నీవు నాకు అందనంత ఎత్తుకెళ్ళి 
అల్లరిటుల చేయతగునా  చందమామయ్యా 
చందమామయ్యా........ చందమామయ్యా 

చందమామయ్యా .... నా దరికిరావయ్యా
చందమామయ్యా ....  నా దరికిరావయ్యా
 నా దరికిరావయ్యా ....  నా దరికిరావయ్యా

*********

Friday, December 27, 2013

మధుర భావ వీచికలే.........


పలికెను నాకు స్వాగతము ,
నే పరవశమైతి క్షణక్షణమూ ,

ఆశలే మల్లెలై విరియగా ,
హృదయమే  కోకిలై పాడగా ,
 
సింధూరమే నేనవ్వనా - అందాల నీ నుదిటిపై ,
సిరిమల్లెనె నేనవ్వనా - నీ నీలిముంగురులలో,
 
అంతరంగం అల్లేనే ,
ఆలోచనలా పొదరిల్లు . 
 
మెరుపును నేనవ్వనా - నల్లని నీ కళ్ళలో ,
చిరునవ్వు నేనవ్వనా - పూలేత నీ మోవిపై ,
 
కొంటె తుమ్మెదలా కనులు ,
మన్మధ చాపాలా నొసలు . 
 
తారక నేనవ్వనా - నీ చిన్ని నాసికపై ,
భావాన్ని నేనవ్వనా - తీయని నీ మాటలో ,

భావమెంతొ మధురములే ,
కోటి వీణల సరిగమలే .

పయ్యెద నేనవ్వనా - వయ్యారి నీ మేనిపై ,
గీతను నేనవ్వనా - పిడికిటి నీ నడుముపై ,

మదిని నిండే కోరికలే ,
మధుర భావ వీచికలే . 

గాజులు నేనవ్వనా - నీ కరకమలాలపై ,
అందెలు నేనవ్వనా - నీ పాదపద్మాలపై ,

నిండు పున్నమి రాతిరులు ,
నిదురను దోచే స్వప్నాలు . 

*******
 
 
 



నాదన్నది నీదేనులే...........


నీదేలే , నీదేలే ,
నాదన్నది నీదేనులే ,
నీదేనులే ,
మనసు నీది ,
మమత నీది ,
వలపు నీది ,
తలపు నీది ,
భావం నీది ,
మాట నీది ,
పాట  నీది ,
బ్రతుకు నీది ,
బంధం నీది ,
నా జీవితాన వెలుగు నీది ,
నాదన్నది నీదేనులే ,
నీదేలే , నీదేలే ,
నాదన్నది నీదేనులే .

********

నీ తలపులు ...........


                                    
                 నీ తలపులు                   
     నా కన్నుల్లో కాంతి పుంజాలై  
వెలుగుతూ,
     నా లేబుగ్గల్లో గులాబీలై           
విరబూస్తూ ,
                    నా అరుణాధరాలపై   ముసిముసి                                      నవ్వులు చిందిస్తూ,                               
                  నా హృదయంలో వలపులై                                                     స్పందిస్తూ,                            
                         నను  కలవరపరస్తున్నాయి                                               సఖుడా ....... !                                
నా ఈ అనంతాన  రాగాన్ని
                  ఆస్వాదిస్తూ ,                        
 నా మనసు ఆలపించే       
                         మౌనరాగాన్ని ఆలకిస్తూ ,               
నా మనస్సుమాలను        
          వికసింపజేస్తూ ,               
          నా తలపుల తలుపులు              
    మూసివేస్తూ ,             
                     నా వలపు వాకిట్లో                                 
     విరివానను                   
              ఎప్పుడు కురిపిస్తావు ?                     

********          
                   

                         

                           
                 

           

Thursday, December 26, 2013

మనువాడ వచ్చినానే ఓ పిల్లా !



మనువాడ వచ్చినానే ఓ పిల్లా !
నిను మనువాడ వచ్చినానే ఓ పిల్లా !
మనువాడ వచ్చినానే ఓ పిల్లా !
నిను మనువాడ వచ్చినానే ఓ పిల్లా ! 

ఏమి సూసి సేసుకోనురో ఓ బావా ! 
నిను ఏమి సూసి సేసుకోనురో ఓ బావా ! 
ఏమి సూసి సేసుకోనురో ఓ బావా ! 
నిను ఏమి సూసి సేసుకోనురో ఓ బావా !  

మాగాణి సేనుంది ,గాదెలన్ని నింపుతాది  
ఎకరాల తోటుంది ,బంగారం దింపుతాది 
ఆ.....ఆ ...... ఆగాగు ...... 
వాన ,వరద వస్తాది ,సేనంతా మునుగుతాది 
పేనుబంక సోకుతాది ,తోటంతా సివుకుతాది 
ఏమి సూసి సేసుకోనురో ఓ బావా ! 
నిను ఏమి సూసి సేసుకోనురో ఓ బావా !  

ఒంటి నిండ సత్తువుంది ,కట్టపడే ఓపికుంది 
ఆలి ,బిడ్డల సూసుకునే అండ దండ నాకుంది 
ఆ .... ఆ .... ఆగాగు 
పొలం పనుల కాలమెంత ,ఆరు నెలలు ఉంటాది 
ఆపైని కాలమంత సిల్లరగా తిరుగు తుంటవు 
ఏమి సూసి సేసుకోనురో ఓ బావా ! 
నిను ఏమి సూసి సేసుకోనురో ఓ బావా ! 

ఆరడుగుల ఎత్తు సూడు ,బిరుసైన కండ సూడు 
సక్కనైన మొహం సూడు ,కోరమీసకట్టు సూడు 
నన్నుమించినోడు ఈ ఊరివాడలోన లేడు సూడు  
మూడుముల్లు ఎసేత్తానే ఓ పిల్లా !

ఎందుకంత మీసకట్టు ,పౌరుషాలు కట్టిపెట్టు 
ఊరెలదమంటే నేను, బస్సు పేరు సదవలేవు 
ఉత్తరంముక్కసూసి బిక్కమొగం ఏస్తావు 
సంతకం సేయమంటే బొటనేలు సూపుతావ్
ఏమి సూసి సేసుకోనురో ఓ బావా ! 
నిను ఏమి సూసి సేసుకోనురో ఓ బావా !  

సదువుకోని వాడెవడూ, సక్కగాను బతకలేడా 
ఈ వయసులోనా సదువుతోటి పని ఏంటి ?
మాటలింక కట్టిపెట్టవే ఓ పిల్లా !
మంకుతనం ఇడిసిపెట్టవే ఓ పిల్లా !
 
సదువుకోని నీకు సిల్లుకాని ఇలువ లేదు 
సదువురానోల్ల బతుకు, ముల్ల మీద సీర కాదా 
పేకముక్క ఇడిసిపెట్టు ,పలకబలపం సేతపట్టు 
ఊరు,వాడ గొప్పతనం సదువుతోటే పెరుగుతాది
 సదువు విలువ తెలుసుకుంటే ఓ బావా !
మనువాడ నే సిద్ధము ఓ బావా !

   సదువు విలువ తెలుసుకుంటనే ఓపిల్లా !
 మనువాడ నే సిద్ధము ఓ బావా !
సదువు విలువ తెలుసుకుంటనే ఓపిల్లా !
 మనువాడ నే సిద్ధము ఓ బావా !

***********
 

Tuesday, December 24, 2013

ప్రయాసపడి భారమును మోసెడి...



పల్లవి :
 ఎవరూ లేక ఒంటరినై అందరికి నేను దూరమై 
అనాధగా నిలిచాను రావా !ఏసయ్యా 
నీవు రావా ఏసయ్యా !
నేను నీడలా నీ వెంట ఉండగా 
నీవు అనాధ ఎలా అవుతావు ?
నీవు దూరం ఎలా అవుతావు ?

చరణం :
స్నేహితులను నమ్మాను , మోసం చేశారు  ,
బంధువులను నమ్మాను , ద్రోహం చేశారు ,
దీనుడనై , అంధుడనై అనాధగా నిలిచాను ..
రావా ఏసయ్యా ! నీవు రావాలేసయ్యా !

నీ కళ్ళల్లో వెలుగునై నే నిండి ఉండగా 
అంధుడవు ఎలా అవుతావు ?
స్నేహితుల్లో , బంధువుల్లో ప్రేమగా 
నన్ను చూడు .... వాస్తవాలను గ్రహించు 
నీ విశ్వాసమును విశ్వసించు . 

చరణం :
నేనున్నా ,నేనున్నా అని అందరు అంటారు ,
కష్టాల్లో ,బాధల్లో తొలగి పోతారు .....
దీనుడనై , అంధుడనై అనాధగా నిలిచాను 
రావా ఏసయ్యా ! నీవు రావాలేసయ్యా !
ప్రయాసపడి భారమును మోసెడి నేను నీ చెంత 
ఉండగా నీవు దీనుడవు ఎలా అవుతావు ?
సుఖాల్లో అందరినీ మరచిన నీవు ,
కష్టాల్లో ,బాధల్లో వారి దరిచేర తలచెదవా ?

చరణం :
చిరకాలం నీ ప్రేమ కలకాలం ఉండాలి ,
శాశ్వతమైన నీ ప్రేమ కలకాలం ఉండాలి ,
దీనుడనై , అంధుడనై అనాధగా నిలిచాను . 
రావా ఏసయ్యా ! నీవు రావాలేసయ్యా !
ఓ ! విశ్వాసి , నీ విశ్వాసాన్ని సడలించకు 
నీ పుణ్యమును పెంచుటకయినా ,
నీ పాపమును కరిగించుటకయినా ,
నీ పట్ల నా ప్రేమ కలకాలం కరుగదు . 

******

          బ్లాగ్ మిత్రులకు క్రిష్టమస్ శుభాకాంక్షలు 
******

Sunday, December 22, 2013

వేచి చూడనా నీ రాకకై ...




విహంగమై విహరించనా గగన వీధుల్లో ,
విషాదమే వీడి పాడనా గుండె గొంతుకలో ,
అనంతమైన ఆశల వల్లరినల్లుతూ ,
నీలాంబరపు చీరను చుట్టి ,
తారల తళుకుల రైకను తొడిగి ,
నుదుట సూర్యుని సింధూరం చేసి ,
కరిమబ్బును తెచ్చి కాటుక దిద్ది ,
అధరాలపై చంద్రుని దరహాస రేఖనద్ది ,
 అలల పొంగుల్ని తొణుకుతున్న గుండెల్లో దాచి ,
చల్లగాలికి మంచి గంధం ,
మరుమల్లెల పరిమళాన్నిచ్చి ,
ఘల్లు ఘల్లు మనే అందెలతో ,
గలగల గాజుల సవ్వడితో ,
మిసమిసలాడే అందంతో ,
మిలమిలలాడే కన్నులలో 
వేల కాంతులతో వేచి చూడనా నీ రాకకై ... 

********





Saturday, December 21, 2013

ఊహా సుందరి ........ !



ఆమె పైట గాలికి ఈ పైరగాలి పరిమళ భరితమై
నా మనసున కలిగిస్తోంది  మధురానుభూతిని ,

ఆమె సిగ్గు దొంతరలు సిరిమల్లెలై నా పానుపు 
చేరి నాలో కలిగిస్తున్నాయి వివశత్వాన్ని ,

ఆమె చిరునవ్వులే చిరు దివ్వెలై వెలిగిస్తున్నాయి 
నాలో ఆరాధనా జ్యోతిని ,

ఆమె చిలిపి చూపులే నా వలపు తోటలో 
కురిపిస్తున్నాయి వసంతాన్ని ,

ఆమె తేనెల పలుకులే తొలకరి జల్లులై 
నాలో కలిగిస్తున్నాయి పరవశాన్ని ,

ఆమె తలపులు నా కలల గంగలో అలలై 
నను నిలువనీకున్నాయి నిముషమైనా ,

వీటన్నిటినీ నా పిడికెడు గుండె 
తన గదిలో పదికాలాలపాటు 
పదిలంగా దాయాలని పదే పదే 
పడే ఆరాటం నాలో 
రగిలిస్తోంది విరహాగ్నిని ,

నా ఈ విరహాగ్నిని చల్లార్చ నా ముందుకు 
ఆమె ఎప్పుడేతెంచునో కదా ?
ఆమె ఎవ్వరో కాదు ... 
నా సుందరి 
నా ఊహా సుందరి . 

******







Friday, December 20, 2013

మరదలు పిల్ల ....!


మరదలు పిల్ల మరకతమైతే ,    
మాటిమాటికి మాలిమి ఐతే ,      
 మిసమిసలాడుతూ మిడిసిపడితే ,
 మీరు.. మీరని మీసం లాగితే ,      
ముద్దు మురిపెం చూపెడితే ,       
 మూగ సైగగా మూతిని తిప్పితే ,    
        మృదువుగ మదిలో మృదంగం మోగగా ,
      మెరుపులా మదిలో మెదులుతు ఉంటే ,
మేనరికం కోసం మేనత్త నడిగితే ,   
మైమరపించే మైపూతలా ,           
మొలకెత్తించినది మొగ్గల ఆశని ,    
మోకరించిన నన్ను చూసి మోదంతో తల ఊపింది . 
మౌనిగ ఉండే నన్ను వీడి మౌనం పారిపోయింది ,
మంచి రోజు రాగానే మంగళవాద్యం మోగింది . 

*********

Thursday, December 19, 2013

ఆహాస్యవాణి .....

ఆహాస్యవాణి ... వార్తలు చదువుతున్నది 
మీ హాస్యానందం 

*   కోతులు ఎక్కువగా సంచరిస్తున్నందున  
"   నూజివీడు "    పేరును   "  కోతివీడు "   గా   
మార్చడం పై చర్చలు సాగుతున్నాయి . 

జంట హత్యల కేసులో వీడిన మిస్టరీ 
హనుమంతుల గూడెం  M.P.U.P
స్కూలులో సెలవులు ప్రకటించిన 
నాలుగవ రోజున జంట హత్యలు 
జరిగాయి . సెలవుల అనంతరం 
తరగతి గదులను తెరచిన ఉపాధ్యాయులు 
దుర్గంధంతో భయపడి ఫిర్యాదు చేయగా ,
అతి కష్టం మీద ఈ కేసును చేధించి 
వారం రోజుల్లో నేరస్తుణ్ణి పట్టుకుని ప్రశ్నించగా 
"  మ్యావ్ ... మ్యావ్ ""    అంటూ 
సమాధానం ఇచ్చాడు . 

*  బంగాళాఖాతంలో  వాయుగుండం
 పడినందున  గంటకు 700 కి . మీ 
వేగంగా గాలులు వీయవచ్చు , ఉతికిన 
బట్టలు ఆరకపోనూ వచ్చు ,
ఎగిరిపోనూ వచ్చు కాబట్టి .. 
అందువల్ల బట్టలు ఉతకవద్దని 
ఆడవారికి  6 వ ప్రమాద హెచ్చరిక 
ప్రసారం చేయడమైనది . 
 
*  దిగవల్లి  ప్రభుత్వ బడి విద్యార్ధులు ఉదార 
హృదయంతో ప్రతిరోజూ భోజనం 
ముగిసిన వెంటనే  "    అన్నదాన  "   
కార్యక్రమం చేపట్టారు . దీని వల్ల ఆయా 
గ్రామాల్లోని కోళ్ళు ,కాకులు , కోతులు ,
కుక్కలు ఆకలి మంటలు 
చల్లార్చుకుంటున్నాయి . 
 
*  నిన్న పోలసానపల్లిలో  సంభవించిన 
ముంపునకు వీధులన్నీ జలమయం 
అయ్యాయి . ప్రజలు పాదంలోతు నీళ్ళలో 
మునిగి ఇబ్బందులకు గురయ్యారు . 
రెవెన్యూ అధికారి విచారించగా శీలలు 
లేని పంపులే ముంపునకు కారణమని 
తెలియ వచ్చింది . 
 
*  తెల్లవారినప్పటి నుండి సాయం సమయం 
వరకు టీ స్టాల్  యజమాని వెంటే 
తిరుగుతున్నప్పటికీ ,ఆ యజమాని 
చీత్కరించడంతో జీవితం పై విరక్తి చెంది 
మరుగుతున్న టీ లో దూకి పది 
ఈగలు ఆత్మహత్య చేసుకున్నాయి . 
 
*  దోమల రహితమైన  HIV/ ఫౌల్ట్రీ ఫామ్స్ 
 వివరాల్లోకి  వెళితే 
HIV బాధితులకు నిర్మించిన ఆశ్రమం 
చుట్టూ పారిశుధ్యం లోపించినా ఒక్క 
దోమ కూడా కనపడదు ఎందువల్ల ? అని 
W.H.O వారు పరిశోధన జరుపగా ,
అక్కడి దోమలకు HIV సోకి 
మరణించాయని తెలిసింది . 
 
*  తేనెటీగల ధర్నా .... స్తంభించిన ట్రాఫిక్ 
ఉద్యోగం లేకపోయినా స్వయం సమృద్ధిని 
సాధిస్తూ ఇతరులకు ఆదర్శంగా 
నిలుస్తున్న తమ యొక్క కుటీర 
పరిశ్రమను కూలదోస్తున్న ప్రభుత్వ 
వైఖరిని ఖండిస్తూ ధర్నాకు 
పిలుపునిచ్చాయి ... వివరాల్లోకి .. 
తేనె పరిశ్రమ స్థాపించి అత్యున్నత 
స్థాయికి ఎదుగుతున్న తమకు 
మహానగరాల్లో మొక్కలూ ,పూదోట 
పెంపకాలకు జానెడు చోటు కూడా 
ఈయక అపార్ట్ మెంట్ సంస్కృతి 
ఉధృతి చేస్తున్నందున తేనెటీగలు 
ధర్నాకు పిలుపు నిచ్చి అందిన వారిని ,
అందినట్లు ,అందిన చోటల్లా కుట్టి 
ట్రాఫిక్ ను  అస్తవ్యస్తం చేశాయి . 
 
*  పుట్టింటికి చేరిన ఆటోలు
అత్తింటి వారయిన R.T.C వారితో 
వేగలేక ఆటోలన్నీ వాటి పుట్టిల్లయిన 
ఆటోనగర్  చేరుకున్నాయి . 
 
*  ఇప్పుడే అందిన వార్త  
పిడుగు రాళ్ళలో పిడుగు పాటుకు 
ముగ్గురి ఉలికిపాటు . 
 
ఆహాస్యవాణి  ఈ హాస్య వార్తలు 
ఇంతటితో సమాప్తం . 
సెలవు మీ  హాస్యానందం . 
 
*******
 
 

Wednesday, December 18, 2013

అందాల ఆ మామ .....?



సంధ్యా కెంజాయలోని సౌందర్యాలను తిలకిస్తూ
 ఆదమరచి ఆలోచనల్లో లీనమయిన 
నా మనసును తట్టి లేపిన 
ఈ తుంటరి ఎవరూ  ?

మోము చూడ మునుపెన్నడో 
చూచినట్లు తోచె ..!

నవ్వులోన మరుమల్లెలు 
కోకొల్లలుగా పూచె ...!

మనసులోన చిలిపి 
భావ వీచికలు వీచె ...!

స్పర్శ చలచల్లగా 
నను మైమరపించె ...!

కనులలోని కోటి కాంతులు 
నను పిలిచినట్లు తోచె ...!

ఎవరూ ..అతగాడు...?
ఓ ! నా మామ కదూ !

నను ఆకర్షించి , చనువుగా నా దరి చేరి 
మురిపించి , మరపించి , అలరించు వాడు 
అందాల ఆ మామ 
నా చందమామ కాక మరెవ్వడు ...?

********