అన్నీ నాకు తెలుసమ్మా ...... !

నను జో .. జో .. కొడుతూ మా అమ్మ ,

జోలపాట పాడింది . 

నే నిద్దురపోయాననుకుంటూ ,

మెల్లగ లేచి వెళ్తుంది .

తాతయ్యను చూసి నవ్వుతూ ,

నా ముచ్చట్లన్నీ చెప్తుంది . 

అమ్మమ్మను చూసి ఆనందంగా ,

నా అల్లర్లన్నీ చెప్తుంది .

మామయ్యతో మాట్లాడుతూ ,

నా పోలికలన్నీ చెప్తుంది . 

నాన్న వస్తే ఎదురెళ్ళి ,

నాకు బొమ్మలు తెమ్మని చెప్తుంది .

పిన్నిని రమ్మని పిలిచేస్తూ ,
నా నవ్వుల గూర్చి చెప్తుంది .

పక్కింటి వారిని పలకరిస్తూ ,

నా పనులు ఎన్నో చేస్తుంది .

మధ్య ,మధ్య నా వద్దకు వచ్చి ,

కదిలానేమో అని చూస్తుంది . 

కప్పిన దుప్పటి సరిచేసి ,

మళ్ళీ జో .. జో .. అంటుంది .

నీ కోసం అమ్మా .. అమ్మా .. 

నే రెప్పలు ఊరికే మూసాను,

నిద్దుర అసలే పోలేదు ,

అన్నీ నాకు తెలుసమ్మా ,

అందుకే నేను నవ్వుతున్నా... !

********