ఎదురు చూ... స్తూ... ఉన్నాను ...

నా చిన్ని ప్రపంచంలో 

చదువుకు తప్ప స్థానం లేదని ,

తెలిసి ... అలసి , సొలసి ... విసుగే చెంది 

ఆమడ దూరం పోయారు ,

స్పందనలేని రాతిని నేనని ,

శాపాలెన్నో పెట్టారు . 

అందరిలా కాకుండా 

ఆమడ దూరంలో ఉండి ... 

నా అడుగులొ అడుగు వేసావు ,

నా అడుగుకు దూరం చెరిపావు . 

నా చూపులొ చూపు కలిపావు ,

నారెప్పల దూరం పెంచావు . 

నా నవ్వులొ నవ్వు కలిపావు ,

నా పెదవుల సున్నా చెరిపావు . 

నా మనసున భావం కదిపావు ,

నా మౌనం కూడా చెరిపావు . 

నా కనులూ , మనసూ నీ కొరకు 

వెతికేలాగా చేసావు .

 అందరిలాగా కాకుండా

 నా మనసుకు దగ్గర అయ్యావు . 

చదువు ముగిసి పోయింది ,

కలలను నిజమే చేద్దామంటే ,

నా చేయిని నీకు ఇమ్మన్నావు . 

చేయి ,చేయి ఇప్పుడే 

కలపొద్దని నేనంటే ,

    ఇప్పుడే వస్తా ఉండంటూ ... 

సుదూరంగా వెళ్ళావు .

     ఎదురు  చూ... స్తూ...  ఉన్నాను ... 

     కేవలం రెండు దశాబ్ధాలుగా ,
నన్ను విడచి వెళ్ళిన నీవు .. 
పొందినదేమిటో నాకు తెలియదు ,
పోగొట్టుకున్నదేమిటో నీకు తెలియదు ,
అయినా ఇంకా చూస్తున్నా,  

నీకై ... నిశ్సబ్ధ నిశీధిలా ....

*******