ఓ సమైక్యాంధ్రుడి తెరాస గీతం

తెలంగాణ రాయలసీమ సమైక్యాంధ్ర గీతం 

(భారతమాతకు జేజేలు పాట వింటుంటే రాయాలనిపించి రాసిన గీతం)

పల్లవి:     ఆంధ్రమాతకు జేజేలు - అమరజీవికి జేజేలు 

              ఆ తెలంగాణ రాయలసీమ 

              సమైక్యాంధ్రకు జేజేలు                   ll ఆంధ్ర ll

చరణం:    సమైక్యాంద్రే    సమర్ధభూమి 

               సంపూర్ణతకది సార్ధకభూమి 

               తెలుగుభాషకై వెలసిన భూమి 

                తెలుగు తేజము పంచిన భూమి      ll ఆంధ్ర ll

చరణం:      మన జీవములో  మన భావములో 

                 సమైక్యవాదమె నినాదముగా

                 సమర శంఖారావము సేయుచు 

                 ఐక్యత రాగము నాలాపించెను       ll ఆంధ్ర ll 

చరణం: శాతవాహనుల శాసనాలు - రెడ్డిరాజుల కట్టడాలు 

            కాకతి రాజులు - కృష్ణరాయలు 

          తెలుగు బిడ్డలై - తరియించిన భూమి    ll ఆంధ్ర ll 

                               

                                  *******