నిత్య పెళ్ళికొడుకువు నీవు ..........!!!!

మా గుండెను మండే కొలిమిని చేసి ,
మా కడుపును రగిలే కుంపటి చేసి ,
మా కళ్ళను చింత నిప్పులు చేసి ,
మా మనసున మాయని గాయం చేసి ,

నీవు మనసులో విషమును  దాచుకుని ,
చక్కని పథకం వేసుకుని ,
మరో అబలను బలిగావించుటకు  సిద్ధముగ ,
 నగనట్రా , పొలముపుట్రా బేరసారములాడుకుని ,
కట్నకానుకలు పుచ్చుకుని ,

నుదుటిన బాసికం కట్టుకుని ,
పట్టు పీతాంబరములు చుట్టుకుని ,
కాళ్ళకు పారాణి పెట్టుకుని ,
బుగ్గన చుక్కను దిద్దుకుని ,

ముఖాన నవ్వు పులుముకుని ,
చేతిలో తాళి పట్టుకుని ,
మారు మనువుకు పూనుకుని ,
మంగళ వాద్యముల నడుమన నీవు ,
మంగళసూత్రం ముడివేశావా .....?

మా మాటలు నమ్మే వారు లేరు ,
నీ మాటలు నమ్మని వారు లేరు ,
నివురు గప్పిన నిప్పువు నీవు ,
నిత్య పెళ్ళికొడుకువు నీవు ..........!!!!

*************