అమ్మా ! నీ ఆశ్రయం ....

అణువుగ నీ గర్భాన్ని ఆశ్రయించి ,
జన్మించి నీ ఒడిని ఆశ్రయించి ,

ఆకలిగొని నీ పాలధారను ఆశ్రయించి ,
నిదురించుటకై నీ గుండెలను ఆశ్రయించి ,

ఆటలలో ఊయలగా నీ పాదాలను ఆశ్రయించి ,
గుర్రం ఆటను ఆడుకొనగ నీ మోకాళ్ళను ఆశ్రయించి ,

ఉప్పు ఆటను ఆడుకొనగ నీ వీపుని ఆశ్రయించి ,
ఏనుగు ఆటను ఆడుకొనగ నీ భుజములను ఆశ్రయించి ,

ఆటలలో అలసి నీ పొట్టనే తలగడగా ఆశ్రయించి ,
ఎత్తుకొమ్మని చేతులిస్తూ నీ  చంకలోన ఆశ్రయించి ,

తమ బిడ్డగ నీ హృదయాన్ని ఆశ్రయించి ,
తమ తోడిదే లోకంగా నీ కన్నులను ఆశ్రయించి ,

తమ బంగరు భవితకు రూపంగా నీ ఆలోచనలో ఆశ్రయించి ,
నీ శ్రమ , ఆశ్రయాలతో ఆశయసిద్ధిని పొందిన పిల్లలు.....

తమ రెక్కల ఆశ్రయం నీకివ్వకనే ,
నిను నిరాశ్రయురాలిని చేసారా తల్లీ !!!!
 
********