అనగనగా కథలు పోయే ...........

 అనగనగా , కథలు పోయే ,
చందమామ కథలు పోయే ,
బాలమిత్ర కథలు పోయే ,
బొమ్మరిల్లు కథలు పోయే ,

నీతికథలను నీరుగార్చి ,
జానపద కథల జాడే మరచి ,
చారిత్రక కథలను చెరిపివేసి ,
ఇతిహాస కథలను ఇగిరించేసి ,
పురాణాలను పొలిమేరలు దాటించి ,

బామ్మల నుండి అమ్మల వరకు
బొమ్మలపెట్టెకు అతుక్కుపోయి ,
బాలల బంగరు బాల్యాన్ని
బొమ్మలపెట్టెకు బలిచేస్తుంటే ,

బాలనేరస్తులకు కొదవా లేదు....
అమ్మ బాధ్యతకు అర్ధం లేదు....

*****