సిరాక్షరములను ఆపలేక.....

అక్షరాలు నాలుగు ఏరుకుని ,
పదాలు నాలుగు పేర్చుకుని ,
వాక్యాలు నాలుగు కూర్చుకుని ,

నాదైన శైలిలో రాసేస్తూ ,
నాదైన బాణిలో పలికేస్తూ ,
నాదైన భావన వివరిస్తూ ,

నాలోని ఆనందాన్ని పంచేస్తూ ,
నాలోని ఆవేశం తెలిపేస్తూ ,
నాలోని ఆక్రోశం నివేదిస్తూ ,

శిలాక్షరములుగా శాసించలేక ,
రక్తాక్షరములుగా లిఖించలేక ,
సిరాక్షరములను ఆపలేక ,

నారికేళపాకమును అందుకోలేక ,
ద్రాక్షాపాకమును చేరుకోలేక ,
కదళీపాకమును ఆస్వాదిస్తూ ,

కడవరకు నా బ్లాగ్మిత్రులతో
నా కలమూ , నేనూ నడవాలని ,
కలసిమెలసి సాగాలని ఆశిస్తూ ...

 

*******