కన్నవారి కలలు......?

కన్నవారు కన్న కలలను ,
కాలరాసి నేలరుద్ది ,
కిరాతక చేష్టలతో ,
కీచక దుశ్చర్యలతో ,
కుత్సిత ఆలోచనలతో ,
కూరిమిని పెకలించి ,
కృశించిన మానవతతో ఉన్న నీకన్న ,
కౄరమృగమే మిన్న కదా ,
కెంవు వన్నెతో ఉన్న నీ
కేరుమన్న గొంతు విని ,
కైమోడ్పుతో దేవుని స్మరియించి ,
కొంగుచాటుగా పాలు ఇస్తూ ,
కోటి దీవెనలు కానుకిచ్చిన తల్లికి ,
కౌమార , యవ్వన దశల దిశను మార్చి చూపి ,
కంసుడిగ మారి నీవు సాధించినదేమిటో ....

*********