మనిషిగ నేను గెలిచాను............

శిల్పిని నేను కావాలని ,
శిలను శిల్పం చేయాలని ,
ఉలిని నేను తీసాను కానీ ,
నా ఊహలు సులువు కాలేదు .

కవిని నేను కావాలని ,
కవితలు ఎన్నో రాయాలని ,
కలమును నేను తీసాను కానీ ,
నా కలలకు చేరువ కాలేదు .

గాయని నేను కావాలని ,
రాగములెన్నో తీయాలని ,
నా గళమును నేను సవరించాను కానీ ,
నే గమకములను చేరుకోలేదు .

చిత్రకారుణ్ణి నేను కావాలని ,
చిత్రములెన్నో గీయాలని ,
సుద్దముక్కను నే తీసాను కానీ ,
నా భావాలకు ప్రాణం రాలేదు .

నర్తకి నేను కావాలని ,
నాట్యములెన్నో చేయాలని ,
కాళ్ళకు గజ్జెలు కట్టాను కానీ ,
నా కళకు జీవం రాలేదు .

మనిషిని నేను కావాలని ,
మానవసేవ చేయాలని ,
ఆకలిగొన్న వృద్ధునికి పిడికెడు అన్నం పెట్టాను ,
గ్రుక్కెడు నీళ్ళు ఇచ్చాను .
 

ఆకలి తీరిన వృద్ధుడు చేయి ఎత్తి ఆశీర్వదించగ ,
మానవత్వానికి రూపం నే కాగలిగాను ,
మనిషిగ నేను గెలిచాను .


**********