చెలియా ! నా చెలిమికి కాకే దూరం .......

చెలియ నవ్వు చూసి..... 

చెదరిపోయె మనసే,

కలువ కళ్ళు చూసి ..... 

కరిగిపోయె వయసే ,

నా కనులకు వేసెనే గాలం - నా నిదురకు చెల్లెనే  కాలం

చెలియ కురులు చూసి .... 

విరులు తురుమ తోచె ,

పెదవి విరుపు చూసి .... 

పలుకరించ తోచె ,

నా మనసే చేసెనె మారాం  - నా వయసే వదలదే గారాం

చెక్కిలి నొక్కులు చూసి... 

మెత్తగ నిమర తోచె ,

మేని వంపులు చూసి ... 

వీణలా మీటగ తోచె ,

నా వలపుకు నీవే మూలం - నా తలపుకు వేయకె తాళం 

చెలియ పలుకు వింటే .... 

పలవరించె పెదవే ,

చేయి చాచి పిలువ .... 

పులకరించె తనువే ,

నా కలలకు నీవే తీరం - నా చెలిమికి కాకే దూరం 

*********