నవవిధభక్తితో నందనవనం

నవవిధ భక్తితో జీవితం 
ఆనంద నందనవనం
  

మీ శ్రద్ధాసక్తుల శ్రవణములే 

నా ఈ చిరునవ్వులు 

మీ అనంత కోటి కీర్తనలే 

నా ఈ చిన్ముద్రలు 

మీ మనఃపూర్వక స్మరణలే 

నా ఈ ఆశీస్సులు 

మీ పరవశ పాదసేవనమే

నా ఈ ఆశ్వాసం 

మీ ముకుళిత హస్త నమస్కారములే 

నా ఈ అనుసరణ 

మీ అకుంఠిత దీక్షా దాస్యములే 

నా ఈ ప్రేమామృతము 

మీ నిష్కల్మష సఖ్యతయే 

నా ఈ సందేశాలు 

మీ నిష్కామ ఆత్మ నివేదనయే

నా ఈ ఆస్వాదన 

మీ భక్తితో కూడిన అర్చనలే 

నా ఈ పునః దర్శనము

మీ త్రికరణశుద్ధి నిలయమే 

మీలో నా ఆస్థానం 

*******