ఏమిటి అమ్మా మాకీ బాధ ....?

ఎందుకు నాన్నా ఇలా చేస్తారు ,

మా మనసును ఎందుకు తెలుసుకోరు .. ?

ఏమిటి అమ్మా మాకీ బాధ ,

మా ఇష్టాలెందుకు తెలుసుకోరు  ?

అందరు డాక్టర్లు అయిపోతారా  ,

అందరు ఇంజనీర్లు అయిపోతారా  ,

చదువు , చదువు అంటూ మీరు 

ఎందుకు నాన్నా విసిగిస్తారు ?

సచిన్ అంటే సంబరపడతావ్ ,

సానియాని చూస్తే శభాష్ అంటావ్ ,

రెహమాన్ పాటకు రెపరెపలాడతావ్ ,

చిరును చూస్తే చిందులు వేస్తావ్ . 

మేం బ్యాట్ తో వస్తే బ్యాడ్ బాయ్ అంటావ్ ,

ఆటలు అంటే అమ్మో అంటావ్ ,

పాటలు పాడితే పాడౌతావంటావ్ ,

డాన్సు వేస్తే ధుమధుమలాడతావ్ . 

వారమ్మా ,నాన్నా మీలానే 

అడ్డం చెప్పి ఉండుంటే ,

అనే ఊహ మీకెపుడైనా 

కలిగిందా అమ్మా ,నాన్నా ?

టీచర్ ,లాయర్ ,పోలీస్ ,నర్సు 

సమాజానికి పనికి రారా ?

అందరు పల్లకి ఎక్కితే ,

మోసేవారు ఎవరమ్మా ?

మా మనసును మీరు తెలుసుకొని ,

మాకిష్టమైనా రంగంలో రాణించేలా చూస్తారా ,

మా సంతోషంలో ఎల్లపుడు ,

తోడుగా మాతో ఉంటారా ...?

********