శుభముహూర్తమే ......

  శుభముహూర్తమే చేరువ కాగా ,
మంగళవాద్యం వినబడినంతనే మదిలో
అలల అలజడి మొదలవగా ....

నిన్నటి దినమున మీరు రెండుగా ,
నేటి బంధం చేయును ఒకటిగా .

ఆద్యంతము శ్రద్ధను వీడక ,
ఆరంభానికి పునాది వేయిక .

కలలను ఇలలో చూపే వేదిక ,
ఆశల సౌధం కాదా మీదిక .

కళకళలాడే పచ్చని పందిట ,
కల్యాణఘడియలు ఎంతో వేడుక .

హద్దుల కంచెను వేసుకుని ,
మీ చిగురాకు బంధాలకు 
అచిరకాలం కావలిగా ,
జీవితవనమున మాలిలుగా ,

చల్లని సాయంసంధ్యలలో ,
పూయించాలి సుమములు కోకొల్లలు .

సుగంధ పరిమళ పవనాలు ,
మీ భావాలతో బందీలయితే ,

సంతసమన్నది మీ దోసిట ఉన్నది ,
ఆస్వాదించుటే ఆలస్యమన్నది ,

నిత్య వసంతంతో మీ జీవితవనము ,
కావాలి ఆనంద నందన వనము .

*******