జామురాతిరిలోనా........

తలగడ మీద తలవాల్చగనే ,
తలపుల తలపులు విచ్చుకుని ,
వలపుల విరులు విరిసినవి ,
నా తనువున విరుపులు తెచ్చినవి ,
చింత తీర్చగ రావా నా మామా....

కన్నుల మెరుపుల లోన ,
కురిసిన వెన్నెలలోనా ,
గాజుల గలగలలోనా ,
చిరుగాలి సవ్వడిలోనా ,
దోబూచులాడక రావా నా మామా ...

జామురాతిరిలోనా ,
జారిన మల్లెలలోనా ,
ఎదలో రొదలలోనా ,
వేగే విరహంలోనా ,
జాగు చేయక రావా నా మామా...

కలత నిద్దుర లోనా ,
కలవరింతలలోనా ,
మధురభావనలోనా ,
నా గుండె గూటిలోనా ,
ఉండిపోక రావా నా మామా...

రావా రావా నా మామా ,
చెంత చేరగ రా మామా ,
చిలిపి నవ్వుల నా మామా ,
చల్లగ మెల్లగ రా మామా ,

అందాల నా చందమామా... 

*******