ఆడపిల్లల ఆత్మల తీర్పు .........

దైవమును నమ్మిన వారు ,
దయ్యమును నమ్మక తప్పదు .

దేవుని వెనుక రాక్షసులున్నట్లే
దైవం వెనుక దయ్యం ఉంటుంది కదా .....

అవును , ఈ మధ్య మనసు దయ్యంపై మళ్ళుతోంది ,
ఆలోచనలను సుళ్ళు తిప్పుతోంది .

దయ్యం ఉన్నది వాస్తవమైతే ,
ఆత్మలు అన్నవి నిజమే అయితే ,
ప్రేతాత్మలు , పిశాచాలు కూడా నిజమే...

బలవన్మరణం పొందిన వారు ,
ఆశలు తీరక చనిపోయిన వారు ,
ఆత్మలై తిరుగుతారంటుంటారు...

అదే నిజం అయితే కనుక ,
ఇందరి ఆడపిల్లలను రొష్టుపెట్టి ,
నడి వీధిలో నరకం చూపిన వాడికి...

ఆ ఆడపిల్లల ఆత్మలు ప్రేతాత్మలై ,
రక్కసి గోళ్ళతో పీక్కుతినవే.....

కంకాళ నృత్యం చేసి వాడి ,
ఆయువు తోడి తోడి పీడన చేయవే...

అడుగడుగన వారిని హింసించి ,
ఉన్మాదుల ఊపిరి మూసి ,  తీసి ఊయలలూపవే...

శాఖినీ , డాఖినీలు వారి నికృష్ట చేష్టలకు ,
కారణమైన భాగం నరకవే....

రక్తపిశాచాల రక్తం మరిగి ,
పళ్ళతో కొరికి రక్తం పీల్చి పీల్చి పిప్పి చేయవే...

కాష్మోరాలు కళ్ళు తెరిచి ,
కాళ్ళు , కీళ్ళు లాగేయవే...

కొరివి దయ్యాలు తరిమి , తరిమి
కొరివిని అంటిస్తూ తీస్తూ వినోదం చూడవే....

నిరతము వాడిని కాపాడే వారికి ,
కాళరాత్రులు చూపించవే .....

దైవమా నీవు రాక తప్పదు ,
ఈ దైత్యులను దునుమాడక తప్పదు....

లేని పక్షాన ప్రేతాత్మలకు శక్తులనీయక తప్పదు ,
అదే నరకం వారికీ చూపక తప్పదు....

ఆ నీచుల ప్రాణం తీయవద్దు ,
జీవించినంత కాలం నిర్భాగ్యులుగా , దౌర్భాగ్యులుగా ,
వికలాంగునిగా వీధులలోన నికృష్ట జీవనం గడపాలి ,
వారి తప్పులే నిరంతరం నిలువునా వారిని దహించి వేస్తూ ఉండాలి . 

( అప్పుడు కాదా, ఆ ఆడపిల్లల తల్లులకు కొంత శాంతి లభించేది ) 
 

*********