ప్రకృతిలోన గూడులా......

అదిగదిగో మా ఇల్లు ,

అందాల మా ఇల్లు ,

ప్రకృతిలోన గూడులా ,

మొక్కల నడుమ మొగ్గలా ,

నిశ్చల ప్రశాంత వనంలో ,

నిర్మలమైన రూపంలో ,

ఆకుపచ్చని వనంలో ,

ఆ వనకన్యల నడుమన ,

  

భ్రమరనాదములతో ,

ఆమని కోయిల కూతలతో ,

చల్లని మంచు బిందువులతో ,

 భానుని లేత కిరణములతో ,

చల్లని పిల్లతెమ్మెరలతో ,

విరిసిన పూమొగ్గలతో ,

చిరు వెచ్చని సాయంసంధ్యలతో ,

తారాచంద్రుల లీలలతో,

ఆకాశం క్రింద సంతోషంగా ,

ఆనందంగా విహరించనా ,

 

ఆదమరచి నే నిదురించనా ,

అందమైన కలలు కననా . 

*******