Tricks and Tips

Wednesday, January 1, 2014

పల్లెసీమ పిలిసిందీ


తలపాగా సుట్టుకొని - అయ్యలార , అన్నలార
నడుం సుట్టూ కొంగు సుట్టి -అమ్మలార , అక్కలార 
పల్లెసీమ పిలిసిందీ  - కదలుదాం 
తల్లి సేవ సేయగాను - తరలుదాం 

పల్లెసీమ పిలిసిందీ - అయ్యలార , అన్నలార
జనం కదలి రారండీ -అమ్మలార , అక్కలార
పట్టుబట్టి మనమంతా -తమ్ముడా 
సుబ్బరం సేద్దాము -సెల్లెలా 

పలుగు , పార తీసుకుని -అయ్యలార , అన్నలార
మొక్క సేత బట్టుకొని -అమ్మలార , అక్కలార
సక్కగాను నాటుదాము -తమ్ముడా
పచ్చదనం పెంచుదాం -సెల్లెలా

సేట , సీపురట్టుకొని -అయ్యలార , అన్నలార
ఊరినంత ఊడుద్దాం -అమ్మలార , అక్కలార
ఎగరేసిన సెత్తంతా -తమ్ముడా
ఎత్తబోను సిగ్గేలా -సెల్లెలా

పలక , బలపం సేతబూని -అయ్యలార , అన్నలార
సదువుకోను బడికెలదాం -అమ్మలార , అక్కలార
వయసుతోటి పనియేటి -తమ్ముడా
బతుకుదిద్దుకుందుకూ -సెల్లెలా

బడి ఈడు   పిల్లల్నీ -అయ్యలార , అన్నలార
సదువుకోను పంపుదాం -అమ్మలార , అక్కలార
పుత్తకాలు , అన్నమూ -తమ్ముడా
బట్టలూ కరుసు లేదు -సెల్లెలా

ఆడపిల్లలంటు మనం -అయ్యలార , అన్నలార
అలుసుసేయవద్దూ -అమ్మలార , అక్కలార
అందనంత ఎత్తుకూ -తమ్ముడా
ఆడపిల్లలెదిగె సూడు -సెల్లెలా

సిన్న పిల్లలప్పుడే -అయ్యలార , అన్నలార
పెల్లిసేసి పంపొద్దు -అమ్మలార , అక్కలార
బంగారు జీవితాన్ని -తమ్ముడా
బలిసేయవద్దు మనం -సెల్లెలా

సేయి సేయి కలిపితేను -అయ్యలార , అన్నలార
సేయలేనిదేముందీ -అమ్మలార , అక్కలార
సోగతం పలుకుదాం -తమ్ముడా
సక్కనీ పల్లెకూ -సెల్లెలా

మన పల్లె సూసినోల్లు -అయ్యలార , అన్నలార
తమ పల్లె మార్సాలి -అమ్మలార , అక్కలార
పల్లెసీమ సేవయే -తమ్ముడా
కన్నతల్లి సేవలే -సెల్లెలా


పల్లెసీమ సేవే -కన్నతల్లి సేవరా
పల్లెసీమ సేవే -కన్నతల్లి సేవరా 
పల్లెసీమ సేవే -కన్నతల్లి సేవరా  
పల్లెసీమ సేవే -కన్నతల్లి సేవరా 

***********************

9 comments:

  1. అరె ,దేవీ మీరు పాటలు కూడా రాస్తున్నారు, ఇంకేం సినిమాకి రాసేయండి,
    అయిడియా ఇచ్చినందుకు నాకు సగం. సోదరిద్రోహానికి తలపడ్డారనుకో....సినిమా ప్లాప్ :-))

    ReplyDelete
    Replies
    1. నా వద్ద ద్రోహానికి తావులేదు . సొదరికీ , స్నేహితురాలికీ చెరో సగం .సినిమా హిట్...శ్రీదేవికి పేరు ఓకేనా మీరజ్ ,హరితా బ్లాగ్ సాక్షిగా మాట ఇస్తున్నాను.

      Delete
    2. తలపాగా సుట్టుకొని - నడుం సుట్టూ కొంగు సుట్టుకొని -అమ్మలార , అక్కలార పల్లెసీమ పిలిసిందీ - కదలుదాం తల్లి సేవ సేయగాను - తరలుదాం పలుగు , పార తీసుకుని - మొక్క సేత బట్టుకొని - సేట , సీపురట్టుకొని - పలక , బలపం సేతబూని - చాలా చక్కని భావం .... బాగా రాస్తావు జానపద మనసు గీతాలు అభినందనలు శ్రీదేవి!

      Delete
    3. నా జానపద గీతాలన్నన్నింటిని మనసు పెట్టి , చదివి మనసు పెట్టి అభినందనలు తెల్పినందుకు మనఃపూర్వక ధన్యవాదములు చంద్రగారు.

      Delete
    4. అంటే...నేను మనస్సు పెట్టటం లేదా... పో ఇకముందు అస్సలు చదవను , అయినా ఈ చంద్రగారింతే...బుద్దిగా ఉండి మార్కులు కొట్టేస్తారు.

      Delete
    5. అక్క,చెల్లెళ్ళు....స్నేహితులూ......మనది చదవడానికీ , మన గురువులు మనది చదివి మెచ్చుకుంటానికీ......ఎంత తేడా ఉంటుందో తెలియనిదేముంది మీరజ్........అర్ధం చేసుకోరూ........ప్లీజ్.........

      Delete
    6. ఒకే...ఓకే...అర్దమయిందిలే చెల్లెమ్మా..

      Delete
  2. naaku sagam










































    naaku sagam :-) chalaa baagundi












    ReplyDelete
  3. తలపాగా సుట్టుకొని - నడుం సుట్టూ కొంగు సుట్టుకొని -అమ్మలార , అక్కలార పల్లెసీమ పిలిసిందీ - కదలుదాం తల్లి సేవ సేయగాను - తరలుదాం పలుగు , పార తీసుకుని - మొక్క సేత బట్టుకొని - సేట , సీపురట్టుకొని - పలక , బలపం సేతబూని - చాలా చక్కని భావం .... బాగా రాస్తావు జానపద మనసు గీతాలు అభినందనలు శ్రీదేవి!

    ReplyDelete