Tricks and Tips

Tuesday, January 7, 2014

నా మనసూ దోసినావె ఓ సిన్నదానా ..



మా ఊరి సంతకొచ్చి  ఓ సిన్నదానా ..
నా మనసూ దోసినావె  ఓ సిన్నదానా ..

ఓ సిన్నదాన , సిన్నదాన , సిన్నాదానా
నా మనసూ దోసినావె  ఓ సిన్నదానా ..ll మా ll 
 

సుక్కలా రైక తొడిగి   ఓ సిన్నదానా ..
సున్నాలున్న సీర కట్టి   ఓ సిన్నదానా ..
సూరీని బొట్టు పెట్టి   ఓ సిన్నదానా ..
సూదంటూ సూపుసూశావే   ఓ సిన్నదానా ..
నా మనసూ దోసినావె  ఓ సిన్నదానా ..ll మా ll

ముద్దబంతి పూలు పెట్టి  ఓ సిన్నదానా ..
ముద్దుమోము సూపెట్టి  ఓ సిన్నదానా ..
ముక్కుకూ ముక్కెరెట్టి  ఓ సిన్నదానా ..
ముల్లల్లే గీసేశావే  ఓ సిన్నదానా ..
నా మనసూ దోసినావె  ఓ సిన్నదానా ..ll మా ll

తువ్వాయిల గెంతుతూ  ఓ సిన్నదానా ..
తుల్లిపడి సూత్తూ  ఓ సిన్నదానా ..
తూనీగల్లె ఎగురుతూ  ఓ సిన్నదానా ..
తూరుపల్లె మెరిసిపోయావే  ఓ సిన్నదానా ..
నా మనసూ దోసినావె  ఓ సిన్నదానా ..ll మా ll

కళ్ళలోన కళ్ళు కలిపి   ఓ సిన్నదానా ..
కమ్మనైన కలసూపి   ఓ సిన్నదానా ..
కంకిలాగ తల ఊపావే   ఓ సిన్నదానా ..
కనికరమే సూపినావే   ఓ సిన్నదానా ..
నా మనసూ దోసినావె  ఓ సిన్నదానా ..ll మా ll


************                                                                                           

 

6 comments:

  1. మా ఊరి సంతకొచ్చి ....
    సుక్కలా రైక తొడిగి, సున్నాలున్న సీర కట్టి, ముద్దబంతి పూలు పెట్టి, ముక్కుకూ ముక్కెరెట్టి,
    కమ్మనైన కలసూపి .... నా మనసూ దోసినావె ఓ సిన్నదానా ....
    ఎంత చక్కని జానపదమో
    అభినందనలు శ్రీదేవీ!

    ReplyDelete
    Replies
    1. చంద్రగారు మీ అభినందనాశీస్సులకు ధన్యవాదములు .

      Delete
  2. వామ్మో... ఎంకి పాటలు ఎక్కువయ్యాయి, అన్నీ ఓ చోట కూర్చి బాణీ కట్టి పాడేయాల్సిందే(నా స్వరం వినలేక పోతే అది మీ ఖర్మ)
    దేవీ... సంక్రాంతికి ముందే పల్లె అందాలు కనిపిస్తున్నాయి తల్లీ.

    ReplyDelete
    Replies
    1. పిల్లల్లోని అంతర్గత శక్తులు వెలికి తీయడం మన వృత్తి , మీలోని అంతర్గత శక్తులు వెలికి తీయడం నా బ్లాగు వృత్తి .సాధన చేస్తే సాధ్యం కానిదేముంది , బాగా సాధన చేయండి మన సినిమాలో గాయని మీరే మీరజ్ .

      Delete
  3. లక్ష్మీదేవిగారు నా బ్లాగుకు స్వాగతం .మీ అభినందనలకు ధన్యవాదములు .

    ReplyDelete