చిలిపి చేష్టలింక మాను ......

చిలిపి చేష్టలింక మాను చిన్ని కృష్ణయ్య
అల్లరింక కట్టిపెట్టు అలకలేలయా.......

వెన్నముంత దొంగిలించి - వెన్ననంత తోడి తిని
చల్లముంత దాచిదాచి - చల్లనంత తాగి తాగి
అదేమని అడుగుటయే పాపమేమయా
మా పాపమేమయా..........

కొమ్మ పైన ఎక్కి నక్కి - పైటలన్ని దోచి దాచి
గోపికలు అడిగినంత - చిలిపిగాను నవ్వు రువ్వి
అదేమని అడుగుటయే పాపమేమయా
మా పాపమేమయా..........

 
యసోదమ్మ చాటు నక్కి - పైట కొంగులోన దాగి
అమ్మ నిన్నుఅడిగినంత -  బుంగమూతి పెట్టి చూసి
అదేమని అడుగుటయే పాపమేమయా
మా పాపమేమయా..........

చిలిపి చేష్టలింక మాను చిన్ని కృష్ణయ్య
అల్లరింక కట్టిపెట్టు అలకలేలయా.......

*******