నాసిక ధగధగ మెరిసింది......

తారలనన్నీ తెద్దామని,
ఆకాశతీరం చేరాను.
ఆశగ అన్నీ కోద్దామని,
ఆ తారాతీరం చేరాను.

 మబ్బుల మాటున తారలు నాతో ,
దాగుడుమూతలు ఆడాయి.
ఆటలో నేనే గెలిచాను,
 ఓ తారను చేతిలో బంధించాను.

అత్యాశకు జరిగా దూరంగా,
దొరికిన దానిని దగ్గరగా......
పొదుపుకుని ఆశలతీరం చేరాను,
అవని పథం పట్టాను.

అందాల మరదలి కన్నులు మూశా,
ఆ తారను ఆమె చేతిలో ఉంచా...
కన్నులు తెరిచి చూసింది,
నాసిక మీద ఉంచింది.

 నాసిక ధగధగ మెరిసింది,
మరదలు సిగ్గుతో కళ్ళు మూసింది.
నిశిరాతిరిలో మెరిసే తార,
నిరతము నాతో నిలిచే సితారతో. 

*******