అనురాగంతో ఆజన్మాంతం .....

చెంతన నీవు నిలబడగ
ఆనందం అనిర్వచనీయమెగ ,

నీ ఉనికే ప్రశాంత చిత్తమని
నా మనసే గుసగుసలాడగ ,

జీవన సమస్య తో"రణాలే"
దూది పింజెలై తేలిపోవగ ,

ఒకరికై ఒకరు నిలిచిన మనలో
భేదాభిప్రాయం మొలకెత్తగ ,

మనమిరువురం వేదనగా
 వేదనతోటి వేరవగ ,

మన మనసులకైన గాయం
ముల్లులా గుచ్చి బాధించగ ,

మన హృదయావేదన కొలిమిలా
నిప్పుల సెగనే రగిలించగ ,

మన అంతరంగాల అంతర్మధనం
అనంత సాగర ఘోషవగ ,

ఆవేశం వీడిన మన ఆలోచనలు
మననొకటైపొమ్మని ఆదేశించగ ,

గుండెలో భారం దిగిపోయి
చేతులు ముందుకు చాచి సాగగ ,

కాళ్ళు తడబడుతు ఎదురెదురుగ
నడక వడివడిగా సాగగ ,

చేతులు చేతులు కలిసిపోగ
ఆనందాశ్రువులు వర్షించగ ,

మనసులు ఒకటిగ చేరగ
బాసలనెన్నో చేసుకొనగ ,

ఒకరికొకరు లేని జీవితం 
మనం ఊహగనైనా ఊహించొద్దు ,

  అనురాగంతో ఆజన్మాంతం  

జన్మజన్మలకు పునాదులు వేద్దాం ,

 

 మనం ఒకరినొకరు కలవక పూర్వం

జీవిత విషయం మనకొద్దు ,

మనం ఒకరికొకరు ఉన్నంతవరకు
జీవిత విలువలు మరవద్దు .

*******