నా ఊయలూపగా.........

జో కొట్టి పోవా ఓ చందమామా
ఊహల్లు తేవా అందాలమామా

నా ఊయలూపగా ఓ చందమామా

నా దరి చేరవా అందాలమామా

మల్లెలే నీకై వేచి చూచేనే
జాజులు పూచే జాగు సేయకనే
నీలాల కన్నుల్లో నిదరుంచగా
నా నీలి ముంగురులు సవరించగా

జో కొట్టి పోవా ఓ చందమామా
ఊహల్లు తేవా అందాలమామా

నా ఊయలూపగా ఓ చందమామా 

నా దరి చేరవా అందాలమామా
 

చందన గంధాలు పరిమళించెనే 
పులకింత తెచ్చి ఊసులాడెనే
హృదిలోని ఆశలు వికసించగా
నా అధరాన చిరునవ్వు దరహించగా

జో కొట్టి పోవా ఓ చందమామా
ఊహల్లు తేవా అందాలమామా

నా ఊయలూపగా ఓ చందమామా

నా దరి చేరవా అందాలమామా 

 

ఆనందలోకాన విహరించగా 
అందాల నా మామ అరుదెంచవా
మనసు దోచి నను మాయజేతువా
మరులుగొలిపి నన్ను నిలువనీయవా

జో కొట్టి పోవా ఓ చందమామా
ఊహల్లు తేవా అందాలమామా

నా ఊయలూపగా ఓ చందమామా

నా దరి చేరవా అందాలమామా 

*********