సిగ్గుల పూబంతి ..... ఆ ఇంతి

ఆ ... ముద్దు మోముల గుమ్మ ,

మొలక నవ్వుల రెమ్మ ,

సిగ్గు తెరలను చీరగా కట్టి , 

చెంపల్లోన సొగసులు దాచి పెట్టి ,

మొగ్గ మల్లెలను సిగలోన పెట్టి ,

కనులాంతముగ  కాటుక పెట్టి ,

కాళ్ళ పారాణినే కాంచుచుండి ,

పలుకరించగా చెంతకు పోవగా ,

పాపిడి చూపిస్తూ ,పలుకదేమాయే ?
 

మునుపెన్నడూ లేని మెరుపులు కనిపించె ,

కారణమేమమ్మా ! ఓ పొరిగింటి పోచమ్మా ?

మనువు కుదిరిందమ్మా , ఆ పసిడి బొమ్మకు ,

మనువాడు వాడు నేడు రానున్నాడు ,

అందుకే అయింది .... ఆ ఇంతి ,

సిగ్గుల పూబంతి ..... !

*******