పసితనం మరణిస్తే .................

ఏం పాపం చేశానో అమ్మా ?
నీ చేతులారా నీవు నన్ను
పురిటిగుడ్డుగా పొదల్లోకి విసిరేసి
నా పసితనాన్ని చంపేస్తే ,

నా బాల్యం అంతా
మురికివీధుల్లో మరణించింది ,
 

నా యవ్వనమంతా
చీకటి గదుల్లో చనిపోయింది ,
 

నా నడివయసంతా రోగాలతో
నడివీధుల్లో అసువులు బాసింది ,
 

నా వృద్ధాప్యమంతా నరకయాతన నుండి
విముక్తి కొరకు క్షణమొక యుగముగ
మరణం కొరకు ప్రార్ధిస్తూ ఉన్నా.........

అల్లరుముద్దుగా పెంచుకునే బిడ్డలను
అర్ధాంతరంగా కబళించే మృత్యువు
నా అచేతనావస్థను చూసికూడా
నా దరిచేర రాదెందుకో............

"కన్నతల్లిచే వదిలివేయబడిన బిడ్డనని
నాపై చులకన భావం కావచ్చు"
 

******