తొలివలపులు..........

చిరు చిరు తలపులు
తొలివలపులనే సుతిమెత్తగ తట్టి లేపగా ,
 
వలపుల తలపులు
హృదయాంతరాలను సుతారముగ తాకగా ,
 
హృదయం తలుపులు తెరచి
స్పందనలను తనలో పొదవుకొనగా ,
 
తలుపులు దాటిన ఆ స్పందనలు.....
 
కన్నులలో తారకలై ,
చేతులలో రాతలై ,
చేతలలో ఆశలై ,
బుగ్గలలో నునుసిగ్గులై ,
 
ఊహలలో ఉలికిపాటులై ,
 పలుకులలో పరవశమై ,
 మేనిలో పులకరింతలై ,
ఒంటరితనంలో పలవరింతలై ,
నిద్దురలో కలవరింతలై ,
 
మనసులో మధుర భావాలై ,
నిలువరించనీకున్నాయి ,
ఓపలేకున్నాయి ,
దాచలేమన్నాయి.......

****